Muhammadzokir Mamatxonov Tashqi mehnat migratsiyasi agentligi boshlig‘i etib tayinlandi. Bu haqda “Daryo” muxbiri Azizbek Abduvaliyev xabar bermoqda.
Mamatxonov 1974-yilda Namangan viloyatining Pop tumanida tug‘ilgan. 2006-yilda Namangan muhandislik-iqtisodiyot instituti, 2012-yilda Prezident akademiyasi qoshidagi Oliy biznes maktabini tamomlagan.
U 1998—2016-yillarda Pop, Chust, Norin tumanlari, Namangan shahri va Namangan viloyat davlat soliq inspeksiyalari, Namangan viloyati hokimligi va Uychi tumani hokimligida turli vazifalarda mehnat qilgan.
2016—2017-yillarda Yangiqo‘rg‘on tumani hokimi bo‘lgan.
Mamatxonov 2018-yildan to shu kunga qadar Namangan viloyat Bandlik bosh boshqarmasi boshlig‘i sifatida ishlab kelayotgandi.
Muhammadzokir Mamatxonov Bandlik va mehnat munosabatlari vazirining 2020-yil 16-iyuldagi buyrug‘i bilan vazirlik huzuridagi Tashqi mehnat migratsiyasi agentligi boshlig‘i etib tayinlandi.
Izoh (0)