Ispaniyaning Marca nashri muxlislar o‘rtasida “Real”ning ushbu mavsumdagi eng yaxshi o‘yinchisini aniqlash uchun so‘rovnoma o‘tkazdi.
Muxlislar hujumchi Karim Benzemani “qirollik klubi”ning 2019/20-yilgi mavsumdagi eng yaxshi o‘yinchisi deb topdi. Ikkinchi o‘rinni himoyachi Serxio Ramos egallagan bo‘lsa, darvozabon Tibo Kurtua kuchli uchlikka yakun yasab berdi. Shuningdek, kuchli beshlikdan yarim himoyachilar Kazemiro va Toni Kroos ham joy olgan.
Madrid klubi muxlislari uelslik vinger Garet Beylni jamoaning eng yomon o‘yinchisi deb topdi. Futbolchi Ispaniya chempionatining joriy mavsumida 16 ta o‘yinda maydonga tushib, 2 ta gol urdi va xuddi shuncha golga hammualliflik qildi.
Avvalroq “Real” Beylning 2 yillik maoshini to‘lab berib, u bilan hamkorlikni to‘xtatmoqchiligi haqida xabar berilgandi.
Eslatib o‘tamiz, “Real” Ispaniya La Ligasining 37-turida “Vilyarreal”ni mag‘lubiyatga uchratib, muddatidan oldin chempionlikni qo‘lga kiritdi. Bu “Real” tarixidagi 34-chempionlik bo‘ldi. So‘nggi bor madridliklar ushbu musobaqada 2016/2017-yilgi mavsumda g‘olib bo‘lgan.
Izoh (0)