Qirg‘izistonda 18-iyul holatiga ko‘ra, yana 1264 kishida koronavirus aniqlandi. Bu haqda respublika tezkor shtabiga tayanib, Kaktus.media xabar berdi.
Koronavirusga chalingan yangi kasallarning 506 nafari Bishkek shahri hisobiga to‘g‘ri kelmoqda. Shuningdek, quyidagi hududlarda ham koronavirus bilan kasallanish bo‘yicha yangi holatlar qayd etilgan:
- Chuy viloyati — 181;
- O‘sh shahri — 61;
- O‘sh viloyati — 138;
- Issiqko‘l viloyati — 100;
- Jalolobod viloyati — 113;
- Norin viloyati — 29;
- Botken viloyati — 48;
- Talas viloyati — 88.
O‘tgan bir sutka ichida yana 73 kishi COVID-19 qurboniga aylangan bo‘lib, mamlakatda pandemiya boshlanganidan buyon koronavirus oqibatida vafot etganlar soni 858 kishiga yetdi.
Ayni vaqtda Qirg‘iziston statsionarlarida 4345 kishi davolanmoqda, ularning 70 nafari reanimatsiya holatida. Shuningdek, 1402 kishining ahvoli og‘ir.
Avvalroq Bishkekdagi tez yordam xodimlarining chorak qismi COVID-19 va pnevmoniya bilan kasallangani to‘g‘risida xabar berilgandi.
Izoh (0)