Қирғизистонда 18 июль ҳолатига кўра, яна 1264 кишида коронавирус аниқланди. Бу ҳақда республика тезкор штабига таяниб, Kaktus.media хабар берди.
Коронавирусга чалинган янги касалларнинг 506 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:
- Чуй вилояти — 181;
- Ўш шаҳри — 61;
- Ўш вилояти — 138;
- Иссиқкўл вилояти — 100;
- Жалолобод вилояти — 113;
- Норин вилояти — 29;
- Боткен вилояти — 48;
- Талас вилояти — 88.
Ўтган бир сутка ичида яна 73 киши COVID-19 қурбонига айланган бўлиб, мамлакатда пандемия бошланганидан буён коронавирус оқибатида вафот этганлар сони 858 кишига етди.
Айни вақтда Қирғизистон стационарларида 4345 киши даволанмоқда, уларнинг 70 нафари реанимация ҳолатида. Шунингдек, 1402 кишининг аҳволи оғир.
Аввалроқ Бишкекдаги тез ёрдам ходимларининг чорак қисми COVID-19 ва пневмония билан касаллангани тўғрисида хабар берилганди.
Изоҳ (0)