Shotlandiya parlamentariysi videoqo‘ng‘iroqni to‘xtatib, o‘zining mushugi uchun kechirim so‘rashga majbur bo‘ldi. Mazkur qo‘ng‘iroq videosi internetda ommalashib ketdi, deb yozadi Esquire.
Jon Nikolson Buyuk Britaniya quyi palatasida Ochil va Janubiy Pertshir okruglari vakili hisoblanadi. Koronavirus sabab u masofadan turib ishlamoqda, yig‘ilishlar esa videoqo‘ng‘iroqlar orqali amalga oshirilyapti. Komissiyaning shu turdagi yig‘ilishlarining birida kadrda kutilmaganda Nikolsonning Rojo laqabli mushugi ham paydo bo‘lgan — kamera mushukning faqatgina dumini ko‘rsatgan va bu uning egasini juda xilojatga qo‘ygan.
“Mushugimning dumi uchun kechirim so‘rayman”, — deydi parlamentariy. Bu Rojoning rejalariga ta’sir ko‘rsatmagan va mushuk o‘zi xohlaganidan keyingina kadrdan ketgan.
Yig‘ilish videosi shu onning o‘zidayoq internetda ommalashib ketdi: tarmoqdagi foydalanuvchilar mushukning xatti-harakatlaridan hayratga tushgan. Bu kabi mashhurlikdan so‘ng Jon Nikolson Rojoni to‘liq ko‘rsatgan.
Izoh (0)