Шотландия парламентарийси видеоқўнғироқни тўхтатиб, ўзининг мушуги учун кечирим сўрашга мажбур бўлди. Мазкур қўнғироқ видеоси интернетда оммалашиб кетди, деб ёзади Esquire.
Жон Николсон Буюк Британия қуйи палатасида Очил ва Жанубий Пертшир округлари вакили ҳисобланади. Коронавирус сабаб у масофадан туриб ишламоқда, йиғилишлар эса видеоқўнғироқлар орқали амалга ошириляпти. Комиссиянинг шу турдаги йиғилишларининг бирида кадрда кутилмаганда Николсоннинг Рожо лақабли мушуги ҳам пайдо бўлган — камера мушукнинг фақатгина думини кўрсатган ва бу унинг эгасини жуда хиложатга қўйган.
«Мушугимнинг думи учун кечирим сўрайман», — дейди парламентарий. Бу Рожонинг режаларига таъсир кўрсатмаган ва мушук ўзи хоҳлаганидан кейингина кадрдан кетган.
Йиғилиш видеоси шу оннинг ўзидаёқ интернетда оммалашиб кетди: тармоқдаги фойдаланувчилар мушукнинг хатти-ҳаракатларидан ҳайратга тушган. Бу каби машҳурликдан сўнг Жон Николсон Рожони тўлиқ кўрсатган.
Изоҳ (0)