Olimlar 10 daqiqada nechta xot-dog yeyish mumkinligini hisoblab chiqdi

Fiziolog va fizioterapevt Jeyms Smoliga insonning 10 daqiqada nechta xot-dog yeya olishi mumkinligini aniqlash maqsadida tadqiqot o‘tkazdi. Bu haqda Science Alert xabar berdi.

Ekspert xot-dog yeyish tanlovlari natijalari bo‘yicha 39 yillik ma’lumotlarni o‘rgandi hamda ularni inson oshqozoni kengayish darajasi bilan solishtirdi.

Smoliganing aniqlashicha, odam 10 daqiqada 84 ta xot-dog yeya oladi.

Qayd etilishicha, xot-dog yeyish bo‘yicha Koni-Aylendda o‘tkazilgan musobaqa g‘olibi hozircha faqat 75 ta xot-dog yeya olgan.

Mutaxassis tadqiqot mobaynida so‘nggi yillardagi musobaqalar g‘oliblari o‘tgan asrdagi musobaqalar ishtirokchilariga nisbatan taom yeyishning faolroq darajasini ko‘rsatayotganini aniqladi. 1980-yilda odamlar bir daqiqada bitta xot-dog yeya olardi.

Jeyms Smoliganing qayd etishicha, ovqatni tez yutish ma’lum mashqlarni talab qiladi.