Amerikalik ayol eri o‘z joniga qasd qilmoqchiligini bilib, politsiyani yordamga chaqirdi. Politsiyachilar esa erkakni otib tashladi

Tennessi shtatining Kollyervill shaharchasida istiqomat qiluvchi Elis Xoul imsli ayol shahar hukumatini sudga berdi, deb yozadi WMC5.

Ma’lumotlarga ko‘ra, 2019-yilning 3-iyunida Elis politsiyaga murojaat qilib, eri Devid o‘z joniga qasd qilish bilan tahdid qilganini bildirgan. Devid qurol olib, o‘zini otishga uringan — bu tushkunlik va unga qarshi dori vositalarining bekor qilinishi sabab yuzaga kelgan o‘z joniga qasd qilishga moyillik fonida sodir bo‘lgan. Biroq bu kabi vaziyatlarda yordam guruhini yuborish o‘rniga, mahkama ayol va uning eri yoniga maxsus bo‘linmani jo‘natgan.

Maxsus bo‘linma ofitseri Ostin Ueygspek erkakdan qurolni tashlashni talab qilgan. Devid uning aytganini bajarmagach, ofitser uni otib tashlagan. Bu maxsus bo‘linma xodimlari uyga kirganidan 4 soniya o‘tib sodir bo‘lgan.

Ayolning advokati Jeffri Rozenblyumning so‘zlariga ko‘ra, Elis o‘z hayotiga xavf tug‘ilayotgani to‘g‘risida hech narsa demagan. Bundan tashqari, sodir bo‘lgan voqeadan bir kun oldin u politsiyaga murojaat qilib, Devid o‘z joniga qasd qilmoqchi ekanligi va zarur tug‘ilganida yordam guruhi yuborishlarini so‘ragan.

Kollyervill shahri hukumati advokatining ta’kidlashicha, Devid maxsus bo‘linma xodimi talabini bajarmagan va Elis politsiya chaqirganidan jahli chiqib, uning oldiga borayotgan bo‘lgan.