Ispaniyaning Mayorka kurortida britaniyalik sayyoh hibsga olindi. U yo‘talgani va boshqalarga koronavirus yuqtirish xavfi sabab qo‘lga olingan, deb xabar beradi Daily Mail.
Ko‘ngilsiz hodisa Santa-Katalina kurort tumanidagi restoranlarning birida sodir bo‘lgan. Restoranga bir erkak himoya niqobisiz kirgan, yo‘talgan va atrofdagi barchaga koronavirus infeksiyasini yuqtirishini ma’lum qilgan. Restorandagi xo‘randalar zudlik bilan politsiyaga qo‘ng‘iroq qilgan.
43 yoshli sayyoh huquq-tartibot xodimlarini ko‘rgach, qochishga tushgan, biroq u qo‘lga olingan. Hibsga olish vaqtida u qarshilik ko‘rsatgan va o‘zini tajovuzkor tutgan. Erkak mahkamaga olib borilib, majburan koronavirusga test topshirtirilgan. Test unda koronavirus yo‘qligini ko‘rsatgan. Britaniyalik qo‘yib yuborilgan.
Ta’kidlanishicha, agarda sayyohda infeksiya aniqlanganida, u insonlar sog‘lig‘iga xavf tug‘dirganlikda ayblangan bo‘lardi. Ushbu holda esa u faqatgina hibsga olinish vaqtida qarshilik ko‘rsatgani uchun ayblangan.
Politsiyadagilarning ma’lum qilishicha, britaniyalik mast holatda bo‘lgan.
Avvalroq Ispaniyada sayyohlar uchun koronavirusdan himoyalangan plyaj paydo bo‘lgani to‘g‘risida xabar berilgandi.
Mavzuga doir: Maldiv orollari sayyohlarni qabul qilishni boshladi
Izoh (0)