Nissan avtokompaniyasi rasman o‘zining yangi logotipini taqdim etdi. Emblema konsern 20 yildan buyon foydalanib kelayotgan eski logotip o‘rnini egallaydi. Yangi logotipga birinchi bo‘lib Ariya elektrokrossoveri ega bo‘ladi, deb xabar qiladi Car and Driver.
Nissan’ning global dizayni bo‘yicha vitse-prezidenti Alfosn Albaysning so‘zlariga ko‘ra, yangi logotip ustida ish uch yil davomida olib borilgan, biroq faqat hozir “raqamli” zamonaviy dunyo yakuniy versiyani tanlash imkonini bergan.
Yangi logotip markazidan eskisidagi kabi brend nomi o‘rin olgan, biroq ancha ingichkalashgan va to‘liq doira o‘rniga ikkita yarim doira joylashgan. Bu jamiyatda yigirma yil davomida ro‘y bergan raqamli o‘zgarishlar ramzi hisoblanadi.
Ariya’dan so‘ng barcha modellar yangi logotipga ega bo‘ladi. Elektromobilda yangi emblema yorug‘lik diodlari bilan yoritiladi.
Mavzuga doir: Bir marta quvvatlanish orqali 500 kilometr: Nissan’ning birinchi elektrokrossoveri taqdim etildi
Izoh (0)