Tibbiyot xodimlarining kasbiy malakasini rivojlantirish markazi direktori Habibulla Oqilov 15-iyul kungi Prezident videoselektoridan keyin bergan intervyusida Toshkent shahri va Toshkent viloyatida tayyorlangan zaxira koyka-o‘rinlar yetmayotganini ma’lum qildi, deb xabar beradi “Kun.uz”.
Habibulla Oqilov yig‘ilishda davlat rahbari tomonidan belgilab berilgan vazifalarga to‘xtalib o‘tgan.
Xalqimizning noroziligiga sabab bo‘layotgan muammolarning birinchisi – 103. “Qo‘ng‘iroqqa javob berishmaydi”, “Uzoq kutib qolyapmiz”, “Kasal bo‘lsak, olib borgani joy yo‘q” kabi e’tirozlar tez-tez uchrab turibdi. Mana shu masala bo‘yicha topshiriqlar bo‘ldi: Call-markazdagi mutaxassislar, liniyalar soni ko‘paytiriladi.Sanitariya-epidemiologik osoyishtalik agentligi direktori Bahodir Yusufaliyevning so‘zlariga ko‘ra, yig‘ilishda epidemik surishtiruvlarni olib borishni tanqidiy ko‘rib chiqish masalasi ham ko‘tarilgan.Ikkinchi muammo – tez yordam mashinalari muammosi edi. Mashinalar olingan, lekin mana bu vaziyatda ular ham yetmayapti. Shuning uchun bugunning o‘zida tez yordam uchun 50 ta mashina Toshkentga, yana 32 ta mashina ambulator tizim xizmatiga beriladi.
PZR apparatlari va tahlillar soni yetishmasligi. Respublika miqyosida har kuni 22 mingdan 24 minggacha analiz o‘tkazilyapti. Lekin bu kam. Analizlar javob besh kungacha chiqmagandan keyin, tahlil topshirgan fuqaro o‘zi bemor yo bemor emasligini ham bilmaydi, lekin xalq ichida yuribdi.
Mana bugun, hozirning o‘zida masalasi hal bo‘lyapti. Topshiriqlar aniq qo‘yildi – PZR apparatlari soni ko‘paytiriladi, ularni ishlatish uchun sharoit yaratiladi, mutaxassislar tayyorlanadi. Hamma muammolarni hal etish bo‘yicha aniq-aniq topshiriqlar olindi.
Yana bitta eng katta muammo: Toshkent shahri va Toshkent viloyatida tayyorlangan zaxira koyka-o‘rinlar yetmayapti. Hozir boshqa profildagi klinikalarning profilini o‘zgartirib, u yerlarga ham bemorlarni yotqizishga majbur bo‘lyapmiz. Yana kerakli miqdorda koyka o‘rinlar tayyorlash bo‘yicha aniq topshiriqlar berildi.
Habibulla Oqilov, Tibbiyot xodimlarining kasbiy malakasini rivojlantirish markazi direktori
“Har bitta holat bo‘yicha epidemik surishtiruvlarni oxiriga yetkazish va zanjirni to‘liq aniqlash vazifasi qo‘yildi”, – deydi Yusufaliyev.
Bosh sanitar vrachning so‘zlariga ko‘ra, kerak bo‘lsa har bitta tumanda laboratoriyalar tashkil etish, buning uchun PZR apparatlari xarid qilish va ayniqsa kasallik o‘choqlarida dezinfeksiya tadbirlarini kuchaytirish bo‘yicha vazifalar ham belgilab berilgan.
Eslatib o‘tamiz, 8-iyul kuni Koronavirusga qarshi kurash shtabi vakillari ishtirokida o‘tkazilgan brifing davomida professor Habibulla Oqilov koronavirus infeksiyasi belgisiz o‘tayotgan bemorlarning uy va mehmonxonada davolanishiga ruxsat berilgan bo‘lsa-da, O‘zbekistondagi statsionarlarda ko‘yka-o‘rinlar qolmaganini ma’lum qilgandi. Biroq 9-iyul kuni brifingda Oqilov pandemiyaning dastlabki kunlaridan hukumat o‘z vazifasini bajarib kelayotgani, koyka-o‘rinlar, dori vositalari zaxirasi mavjudligini bildirgan.
Prezident Shavkat Mirziyoyev 14-iyul kuni bo‘lib o‘tgan videoselektor yig‘ilishida mamlakatdagi epidemiologik vaziyatga yana bir bor alohida to‘xtalib, mamlakatda koronavirusga qarshi kurash uchun barcha zaxira va imkoniyatlar mavjudligini ma’lum qilgandi.
Izoh (0)