15-iyul kuni taxminan soat 10:30 lar atrofida Navoiy IESga qarashli suv o‘tqazish to‘g‘oni oldida joylashgan suv o‘tqazish joyining oqib o‘tuvchi Zarafshon daryosi qismidan taxminan 40-45 yoshlardagi noma’lum erkakning murdasi topildi. Bu haqda Navoiy viloyati IIB axborot xizmati xabar berdi.
Mazkur holat yuzasidan olib borilgan tergovga qadar tekshiruv harakatlari davomida ushbu noma’lum shaxsning murdasi 1975-yilda tug‘ilgan Samarqand viloyati Paxtachi tumani Dabusiya mahallasida yashovchi T.Y.ga tegishli ekanligi aniqlangan.
Ma’lumotlarga ko‘ra, 12-iyul kuni soat taxminan 20:00 larda Karmana tumani yashovchi shaxs qayni ukasi hamda qizi bilan birgalikda oldindan jinoiy til biriktirib, T.Y. bilan o‘rtalarida o‘zaro kelishmovchilik natijasida janjal chiqargan.
Shundan so‘ng, ular T.Y.ni yog‘och bo‘lagi bilan urib, tan jarohati yetkazgan. Jinoyat ishtirokchilaridan biri T.Y.ning bo‘yin qismidan oyog‘i bilan bosib, uni hushsiz holatga keltirgan. Soat 01:00 larda uning o‘lgani ma’lum bo‘lgach, jasad eshak aravaga ortilib, Zarafshon daryosiga oqizib yuborilgan.
Viloyat prokuraturasi, ichki ishlar boshqarmasi jinoyat qidiruv xodimlarining tezkor harakatlari natijasida gumonlanuvchilar qo‘lga olingan.
Izoh (0)