O‘zbekistonda 2020-yil 12-iyul soat 23:30 holatiga ko‘ra, yana 142 kishida koronavirus infeksiyasi aniqlandi va kasallanganlarning umumiy soni 12997 nafarga yetdi. Bu haqda Sog‘liqni saqlash vazirligi xabar qilgan.
Yangi kasallanish holatlarining
- 45 tasi karantin markazidagi fuqarolar (barchasi xorijdan kelgan) orasida;
- 97 tasi Toshkent shahrida aholi orasidan aniqlangan.
O‘zbekistonda COVID-19 dan forig‘ bo‘lganlarning umumiy soni 7852 nafarni (60 foiz) tashkil qilmoqda.
“5085 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda”, — deyiladi SSV xabarida.
Tibbiyot muassasalarida davolanayotgan 5085 nafar bemordan 43 nafari og‘ir, 7 nafari esa o‘ta og‘ir ahvolda.
Bugun jami 484 nafar odamda koronavirus aniqlandi va qatorasiga 5 kundan buyon kasallanganlar soni 400 nafardan ko‘p ekani xabar qilib kelinmoqda.
Epidemiya boshlanganidan beri O‘zbekistonda 60 nafar koronavirus infeksiyasiga chalingan bemor kasallik asoratlari oqibatida vafot etgan.
Izoh (0)