Andijon viloyatida UzAuto Motors AJga katta pul evaziga ishga kiritib qo‘yishni taklif qilgan shaxs qo‘lga olindi, deya xabar qildi Tergov departamenti.
Qayd etilishicha, Аsaka tumani “Yangisor” MFYda yashovchi 38 yoshli А. o‘ziga oldindan tanish bo‘lgan 49 yoshli T.ning ishonchiga kirib oladi. A. 2020-yilning yanvar oyida T.ning o‘g‘li va jiyanlarini Аsaka tumanida joylashgan UzAuto Motors АJga ishga olib kirib qo‘yishini va’da qiladi.
Shundan so‘ng, T.ning 3 700 АQSh dollarini firibgarlik yo‘li bilan qo‘lga kiritib, o‘zining shaxsiy ehtiyojlari uchun sarflab yuboradi.
Mazkur holat yuzasidan Аsaka tuman IIB huzuridagi Tergov bo‘limi tomonidan А.ga nisbatan Jinoyat kodeksining 168-moddasi 3-qismi “b” (Firibgarlik) bandi bilan jinoyat ishi qo‘zg‘atilgan.
Hozirda jinoyat ishi yuzasidan dastlabki tergov harakatlari olib borilmoqda va yetkazilgan moddiy zararni qoplash masalasi ko‘rilmoqda.
Mavzuga doir:
- Andijonda 4 yigit 17 yoshli o‘smirning yo‘lini to‘sib, uning 430 ming so‘m pulini olib qo‘ydi
- Buxoroda firibgarlik yo‘li bilan bir qancha jinoyatlar, o‘g‘irlik va tovlamachilik qilgan jinoiy guruh fosh qilindi
- Samarqandda 1300 dollar evaziga suddagi “tanishlari” orqali nikohni bekor qilib berishni va’da qilgan shaxs ushlandi
- Buxoro davlat universiteti o‘qituvchisi o‘qishga kiritib qo‘yish evaziga 4 ming dollar pora olayotganida ushlandi
Izoh (0)