Ekspertlar dunyodagi eng rivojlangan shaharlar reytingini tuzdi. Reytingda London, Nyu-York, Parij, Tokio, Reykyavik va Kopengagen yetakchilik qilmoqda. Reyting IESE biznes maktabining Cities in Motion Index (CIMI) hisobotida taqdim etilgan. Bu haqda “Korrespondent.net” xabar berdi.
Shuningdek, eng rivojlangan shaharlar ro‘yxatidan Berlin, Amsterdam, Singapur, Gonkong, Syurix, Oslo, Chikago, Stokgolm, Vashington, Los-Anjeles, Sidney, Vena, Seul va San-Fransisko joy olgan.
Reytingning so‘nggi qatorlarini Manila (Filippin), Rabot (Marokash), Ar-Riyod (Saudiya Arabistoni), Qohira (Misr), Kalkutta (Hindiston), Duala (Kamerun), Lagos (Nigeriya), Lahor (Pokiston), Karachi (Pokiston) va Karakas (Venesuela) egallab turibdi.
Reytingni tuzishda ekspertlar inson kapitali (iqtidorlarni jalb qilish va rivojlantirish), ijtimoiy jipslik, iqtisodiyotning holati, ekologiya, obodonlashtirish, xalqaro ochiqlik, texnologiyalar rivoji, transport infratuzilmasi va boshqa omillarni hisobga olgan.
Izoh (0)