Экспертлар дунёдаги энг ривожланган шаҳарлар рейтингини тузди. Рейтингда Лондон, Нью-Йорк, Париж, Токио, Рейкьявик ва Копенгаген етакчилик қилмоқда. Рейтинг IECE бизнес мактабининг Cities in Motion Index (CIMI) ҳисоботида тақдим этилган. Бу ҳақда «Korrespondent.net» хабар берди.
Шунингдек, энг ривожланган шаҳарлар рўйхатидан Берлин, Амстердам, Сингапур, Гонконг, Цюрих, Осло, Чикаго, Стокгольм, Вашингтон, Лос-Анжелес, Сидней, Вена, Сеул ва Сан-Франциско жой олган.
Рейтингнинг сўнгги қаторларини Манила (Филиппин), Работ (Марокаш), Ар-Риёд (Саудия Арабистони), Қоҳира (Миср), Калкутта (Ҳиндистон), Дуала (Камерун), Лагос (Нигерия), Лаҳор (Покистон), Карачи (Покистон) ва Каракас (Венесуэла) эгаллаб турибди.
Рейтингни тузишда экспертлар инсон капитали (иқтидорларни жалб қилиш ва ривожлантириш), ижтимоий жипслик, иқтисодиётнинг ҳолати, экология, ободонлаштириш, халқаро очиқлик, технологиялар ривожи, транспорт инфратузилмаси ва бошқа омилларни ҳисобга олган.
Изоҳ (0)