Jahon sog‘liqni saqlash tashkilotining bosh direktori Tedros Gebreyesus JSSTning harakatlarini va boshqa davlatlarning СOVID-19 pandemiyasiga qarshi kurash choralarini baholash uchun mustaqil komissiya tuzilganligini e’lon qildi. Bu haqda tashkilotga tayanib “Gazeta.uz” xabar qildi.
Ekspertlar guruhini Yangi Zelandiya sobiq Bosh vaziri Xelen Klark va Liberiya sobiq prezidenti Ellen Jonson Searleff boshqaradi.
Komissiya noyabr oyida JSSTga a’zo mamlakatlar sog‘liqni saqlash vazirlarining noyabr yig‘ilishida oraliq hisobotni va may oyida asosiy hisobotni tayyorlaydi va taqdim etadi.
Mavzuga doir: JSST: “Bir qator davlatlarda koronavirusning ikkinchi eng yuqori cho‘qqisi kuzatilmoqda”
Ma’lumot uchun, AQSh JSSTni pandemiyani oldini olmaganlikda ayblab, tashkilotni moliyalashtirishni to‘xtatib qo‘ydi. Oradan bir hafta o‘tgach, Xitoy JSSTga qo‘shimcha 30 million dollar ajratishi haqida xabar berilgan.
Keyinchalik 26-aprelda AQSh davlat kotibi Maykl Pompeo esa Fox News telekanaliga bergan intervyusida Amerika JSSTni moliyalashtirish masalasiga boshqa qaytmasligi mumkinligini bildirgan. 17-may kuni AQSh prezidenti Donald Tramp Jahon sog‘liqni saqlash tashkilotini moliyalashtirish qisman tiklanishi mumkinligini ma’lum qildi. 29-mayda esa AQSh Jahon sog‘liqni saqlash tashkiloti bilan munosabatlarni to‘xtatdi.
Izoh (0)