Qurilish vazirligi mutaxassisi Alijon Alimuhammedov qurilish-pudrat tashkilotlarining yangi elektron reytingi haqida ma’lumot berdi. Bu haqda u vazirlikning yangi loyihalarga bag‘ishlangan tadbirida taqdimot qilgan, deya xabar berdi “Daryo” muxbiri.
Qurilish ishlari hajmlari va obyektlari bo‘yicha tabaqalashtiriladigan reyting tizimi pudrat tashkilotlari darajasi, bozorini ko‘tarish va rivojlantirish vositasi bo‘lib xizmat qilishi belgilangan. Mutaxassis tomonidan mukammal analitika tizimi sifatida e’tirof etilgan reyting birinchi bosqichda 30 ta (2020-yil iyundan), ikkinchi bosqichda 64 ta (2021-yildan) ko‘rsatkich asosida 6 ta kriteriyga qarab, chiqqan natijada pudrat tashkilotining holatidan kelib chiqib ball beradi. Ya’ni qanday ishlar bajargan, qancha ishchisi bor, ularning necha nafari sertifikatlangan mutaxassislar ekani, qancha texnikasi borligi va bajargan ishlarining sifati kabi tamoyillar asosida pudratchi tanlanadi.
Tizimdagi baho birinchi bosqich tender hujjatlashtirishining kvalifikatsion-texnik paketidanoq pudratchiga rad javobining berilishiga imkoniyat yaratish orqali jarayonni soddalashtiradi. Natijada tenderlar tezlashadi va bir bosqichli tender shaklida kechadi. Ya’ni faqatgina bitta tijoriy paket bo‘ladi.
Yangi tender tizimi vaqtni 2 baravar, amaliyotlarni 1/3, hujjatlarni 14 tadan 6 taga qisqartiradi. Haftada 7 kun 24 soat onlayn tarzda kirish mumkin. Tizim oferentlarga o‘zlaridagi eng yaxshi narxni belgilashni taqozo etadi.
Hujjatlarni tekshirishda tender komissiyasi baholash vaqtida turlicha baho chiqarishadi, u ballar esa o‘rtachasini olgan holda qo‘yiladi. Lekin matematika bunday ishlamaydi, hammamiz bilamiz, ikkiga ikkini qo‘shsa to‘rt, besh ham uch ham bo‘lishi mumkin emas. Shunday holatlarda o‘rtacha baho misoldagi kabi to‘rt emas, uch yoki besh chiqib qolgan. Bunda tender komissiyasining diskvalifikatsiya qilish vakolati bo‘lgan holda hujjatlarni tekshirib, muvofiq emasligini belgilab, haqqoniy yoki haqqoniy emas, deb topilib chiqarib yuborgan holatlari bo‘ladi. Mana shunday vaziyatlarda biz reyting orqali inson omilini bartaraf qilishga erishyapmiz.Tizim maksimal darajada samarali narxni aniqlashtirish imkonini berishi qayd etildi. Chunki reyting tufayli pudratchilar hujjatlashtirishning birinchi kvalifikatsion-texnik paketidanoq o‘yin bo‘lmasligi va o‘z ballarini taklifi bilan o‘ziga biror ustunlik yoki raqobatbardoshlikdagi ustunlikni olib chiqib keta olishini baholay olgan holda qanchalik past narxda berish imkoni bo‘lsa, shuncha past narxda beradi. Ayni damda mazkur tizim ishlamayotgani ta’kidlandi.Yangi reyting tizimida esa barcha bosqichlarda har bir qadam shaffoflikni ta’minlagan holda ro‘yxatdan o‘tkazilib, tekshirilib boriladi. Yuqoridagi hech bir muammo ayni tizimda bo‘lmasligi aytildi. Monitoring, tekshiruvlardagi soddalik, byurokratik to‘siqlarning yo‘q qilinishi, ishtirokchilarga teng munosabat, onlayn tartibda inson omili olib tashlanadi.Qurilish vazirligi mutaxassisi Alijon Alimuhammedov
Tender tartibining tarkibidan faqatgina buyurtmachi, oferent va tender komissiyasi joy oladi. Buyurtmachi hamda komissiya vakolatlari qisqargan holda oferent qulay tartibda ishlaydi. Yig‘ilish faqat ikkinchi, ya’ni tijorat paketi bo‘yicha tashkil etiladi, hujjatlashtirish jarayonida atigi 6 ta hujjat topshiriladi. Birinchi paket o‘rnida reyting tizimi ball beradi, shu bilan birinchi paketdagi 2 ta band tijoriy paketga o‘tkaziladi.
Reyting tizimidagi olgan baholariga qarab pudratchi tashkilotlar A,B,C,D,E ishonchlilik sinflariga bo‘lib chiqiladi. Reyting Davlat soliq qo‘mitasi, Davlat statistika qo‘mitasi, Bandlik va mehnat munosabatlari vazirligi hamda Qurilish vazirligining tizimidagi ma’lumotlariga asosan shakllantiriladi.
G‘olibni aniqlashda tizim avtomatik tarzda pudrat tashkilotlarining milliy reytingidan va tijoriy taklifdan ballarni oladi. Umumiy ball tender komissiyasi baholarining vazn ulushi asosida aniqlanadi. Ballar summalashtiriladi va eng yuqori ball olgan oferent g‘olib, deb topiladi.
Eslatib o‘tamiz, avvalroq O‘zbekistonda 1-iyuldan loyiha-qidiruv, 1-sentabrdan esa qurilish-pudrat tashkilotlarining elektron reytingi joriy etilishi ma’lum qilingan edi.
Izoh (0)