Avstraliya radioeshittirish korporatsiyasining Sidney radiostansiyasi shaxmatni irqchilik sport turi deb atadi. Bu haqda Eurosport xabar berdi.
Radiostansiya shaxmatda oq donalar birinchi bo‘lib yurishni boshlab bergani uchun uni irqchilik sport turi deb hisoblagan.
Internetdagi ko‘plab foydalanuvchilar ushbu ayblovni ahmoqona deb atagan. Afsonaviy grossmeyster Garri Kasparov o‘zining Twitter’dagi sahifasida shaxmatni irqchilik o‘yini deb atayotgan barchaga Xitoyning go o‘yinini o‘ynashni tavsiya qildi — unda o‘yinni qora donalar boshlab beradi.
Kasparovni avstraliyalik hamkasbi, shaxmatchi Jon Adams ham qo‘llab-quvvatlagan. Sportchi shaxmatdagi irqchilik mavzusini koronavirus sabab jahonda yuz berayotgan inqiroz vaqtida ko‘tarilganidan hayratda.
Mavzuga doir: Qora tanli talabalarni imtihondan ozod etishni istamagan amerikalik professor ishdan chetlatildi
AQShdagi Black Lives Matter (“Qora tanlilarning hayoti muhim”) harakati o‘z aksiyalari davomida qulchilik va rasizmga aloqadorligi taxmin qilingan tarixiy shaxslarning haykallarini buzib tashlash yoki qulatish harakatlarini amalga oshirmoqda.
Izoh (0)