Австралия радиоэшиттириш корпорациясининг Сидней радиостанцияси шахматни ирқчилик спорт тури деб атади. Бу ҳақда Eurosport хабар берди.
Радиостанция шахматда оқ доналар биринчи бўлиб юришни бошлаб бергани учун уни ирқчилик спорт тури деб ҳисоблаган.
Интернетдаги кўплаб фойдаланувчилар ушбу айбловни аҳмоқона деб атаган. Афсонавий гроссмейстер Гарри Каспаров ўзининг Twitter’даги саҳифасида шахматни ирқчилик ўйини деб атаётган барчага Хитойнинг го ўйинини ўйнашни тавсия қилди — унда ўйинни қора доналар бошлаб беради.
Каспаровни австралиялик ҳамкасби, шахматчи Жон Адамс ҳам қўллаб-қувватлаган. Спортчи шахматдаги ирқчилик мавзусини коронавирус сабаб жаҳонда юз бераётган инқироз вақтида кўтарилганидан ҳайратда.
Мавзуга доир: Қора танли талабаларни имтиҳондан озод этишни истамаган америкалик профессор ишдан четлатилди
АҚШдаги Black Lives Matter («Қора танлиларнинг ҳаёти муҳим») ҳаракати ўз акциялари давомида қулчилик ва расизмга алоқадорлиги тахмин қилинган тарихий шахсларнинг ҳайкалларини бузиб ташлаш ёки қулатиш ҳаракатларини амалга оширмоқда.
Изоҳ (0)