Хитой Ҳиндистон билан чегарага авиация, J-20 стелс-қирувчи самолётлари, Z-20 вертолётлари, Wing Lооng II дронлари, шунингдек, баланд қояли тоғларда ишлатишга мўлжалланган Тype 99 А ҳамда Тype 15 енгил танкларини юборди. Бу ҳақда South China Morning Post нашри хабар қилган.
Reuters ахборот агентлигининг АҚШнинг Maxar Technologies сунъий йўлдош компанияси суратларига асосланиб берган хабарига кўра, Хитой ҳарбийлари Ладох яқинида янги ҳарбий лагер қурмоқда, ушбу ҳудудга бир неча йиллардан бери Ҳиндистон, Покистон ва Хитой даъвогарлик қилаётган эди.
Коинотдан олинган тасвирларда Хитой армияси назорат қилаётган ҳудудда чодирлар пайдо бўлгани, бир ҳафта аввал бу ерда бўлмаган объектлар қурила бошлагани акс этган.
Хитой аскарлари аввал кузатув пункти бўлган ва Ҳиндистон армияси объектни бузиб ташлаган манзилда пулемётлар ўрнатиш учун лагер шакллантирмоқда.
Ўз навбатида Ҳиндистон ҳукумати назорат чизиғида хитойликлар билан тўқнашув содир бўлса, огоҳлантиришсиз ўт очишга рухсат берган.
Изоҳ (0)