Amerikadagi Specialty Vehicle Engineering (SVE) yangi Syclone pikapining versiyasini taqdim etdi — u 760 ot kuchiga ega V8 kompressori bilan jihozlangan. SVE muhandislarining ta’kidlashicha, bu cheklangan nusxada yaratilgan o‘rta o‘lchamli dunyodagi eng tezkor pikap hisoblanadi, deb xabar beradi Motor.
SVE Syclone V8 asosini — qisqa kuzov va 3,6 litrli V6 benzin motoriga ega seriyali GMC Canyon tashkil etadi. Olti silindrli “atmosfera” mutaxassislar tomonidan 5,3 litrli takomillashtirilgan V8’ga aylantirilgan.
General Motors’ning kuch agregati o‘rnatilgan pikap sovitish va qayta ishlangan yoqilg‘i tizimi bilan jihozlangan. Shuningdek, pikapga maxsus zanglamaydigan po‘latdan yasalgan gaz chiqarish tizimi o‘rnatilgan.
Yangi versiyaning dinamik tavsifi ma’lum qilinmagan bo‘lsa-da, SVE Syclone V8 soatiga 100 kilometr tezlikka to‘rt soniyadan kamroq vaqt ichida erishadi. Chunki 461 kuchga ega avvalgi model — 1991-yilgi Syclone nusxasi — 96 kilometr/soatga 4,3 soniyada erishgan.
SVE Syclone V8 760 ot kuchi va 813 Nm aylanishlar momentini hosil qila oladi. Bu Syclone V6’ga qaraganda salkam 300 ot kuchiga ko‘p demak. Sakkiz silindrli Syclone 8 pog‘onali avtomat uzatmalar qutisi yordamida boshqariladi. Taqdim etilgan modelga uch yil yoki 58 ming kilometr yo‘l bosishiga kafolat beriladi.
Specialty Vehicle Engineering yangi pikapning narxini ma’lum qilmagan, biroq buyurtmalarni qabul qilish boshlangani ta’kidlanmoqda. Model tiraji ko‘p bo‘lmaydi: 50 nusxa. Kaliforniyadan boshqa AQShning har qanday hududida Syclone V8’ni umumiy foydalanish yo‘llarida haydash mumkin.
Izoh (0)