O‘zbekiston musulmonlari idorasi “Movarounnahr” nashriyoti “Vabo – insonlar uchun bir sinov” nomli koronavirusga aloqador kitob nashr qildi. Bu haqda idora matbuot xizmati xabar berdi.
O‘zbekiston Islom sivilizatsiyasi markazi rahbari Shoazim Minovarovning so‘zlariga ko‘ra, kitob butun insoniyatga yuborilgan yuqumli kasallik, unga qanday munosabatda bo‘lish, ommaviy epidemiya — pandemiya sharoitida o‘zni qanday tutish haqida.
Unda, shuningdek, Prezident va hukumat tomonidan epidemiyaga qarshi ko‘rilayotgan tadbirlar to‘g‘risidagi Muftiy Usmonxon Alimov va boshqa ulamolarning maqolalari ham borligi aytilmoqda.
“Sinovlar orqali Alloh o‘z bandalarini sinaydi, o‘ziga yaqinlashtiradi va gunohlarini kechiradi. Muvaffaqiyatlarga erishish uchun mashaqqat talab qilinganidek, Alloh taoloning roziligini topish uchun ham sinovlarga sabr qilish lozim”, — deb yozilgan kitob so‘zboshida.
Mavzuga doir:
- O‘zbekiston musulmonlar idorasi: “Koronavirusdan vafot etgan kishi shahid hisoblanadi”
- O‘zbekiston musulmonlari idorasi koronavirus daf bo‘lishi uchun tavsiya qilingan duolar va amallarni e’lon qildi
- Musulmonlar idorasi tibbiy niqob taqqan holda namoz o‘qishning zarari yo‘qligini bildirdi
- O‘zbekistondagi “yashil” hududlarda joylashgan masjidlar o‘z faoliyatini boshladi (foto)
Izoh (0)