Jizzax viloyati Sharof Rashidov tumanida o‘zi enagalik qilgan uydan pul o‘g‘irlagan qizga jinoiy ish ochildi. Bu haqda viloyat IIB matbuot xizmati xabar bermoqda.
Qayd etilishicha, tumani ichki ishlar bo‘limiga 1981-yilda tug‘ilgan F.Q.dan uyini o‘g‘ri urib ketganligini bo‘yicha murojaat kelib tushgan. Uning ta’kidlashicha, o‘g‘ri uydagi temir seyf eshigini kalit tanlash yo‘li bilan ochib, 2 million 100 ming so‘m hamda 100 dollarni olib ketganini bildirgan.
Tezkor surishtiruvlar natijasida mazkur jinoyatni Jizzax shahrida yashovchi, turmushga chiqmagan, 1994-yilda tug‘ilgan D.M. sodir etganligi aniqlangan. U jinoyat yuz bergan turar joyda enaga bo‘lib ishlagan va imkon tug‘ilishi bilan vaziyatdan foydalangan.
Ayblanuvchidan 2 million 100 ming so‘m, 100 dollari hamda seyf kaliti hujjatlashtirib olindi. Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)