Осиё Футбол Конфедерацияси футзал бўйича Осиё чемпионати, ўсмирлар ўртасидаги Осиё чемпионати ҳамда ОЧЛ баҳслари ўтказилиш саналарига ўзгартириш киритилгани ҳақида маълум қилди, дея хабар бермоқда ЎФА расмий сайти.
«Унга кўра, катталар ўртасидаги футзал бўйича Осиё чемпионати 4—15 ноябрь кунлари Туркманистонда бўлиб ўтади.
Шунингдек, Баҳрайнда ўтказиладиган U-16 Осиё чемпионати 25 ноябрь — 12 декабрь кунларига кўчирилди.
Бундан ташқари, Осиё чемпионлар лигаси Ғарб минтақасидаги гуруҳ босқичи ва плей-офф баҳслари марказлашган форматда сентябрь ойида ўтказилади. Ушбу учрашувларга мезбонлик қиладиган мамлакат номи кейинроқ эълон қилиниши кўзда тутилган.
Ўзбекистон мезбонлик қиладиган U-19 Осиё чемпионати аввал белгиланганидек 14—31 октябрь кунлари бўлиб ўтиши режалаштирилган.
Ўз навбатида, клублар ўртасидаги футзал бўйича Осиё чемпионати санасига ҳам ўзгартириш киритилмаган ва ушбу турнир БААда 2—13 декабрь ташкил этилади», — дейилади хабарда.
Футзал бўйича Осиё чемпионати
4—15 ноябрь | Туркманистон
U-16 Осиё чемпионати
25 ноябрь — 12 декабрь | Баҳрайн
Осиё Чемпионлар Лигаси
Сентябрь | гуруҳ ва плей-офф босқичи
2—3 ноябрь | чорак финал босқичи
24 ноябрь | ярим финал босқичи
5 декабрь | финал
U-19 Осиё чемпионати
14—31-октябр | Ўзбекистон
Клублар ўртасидаги футзал бўйича Осиё чемпионати
2—13 декабрь | БАА.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)