Davlat xavfsizlik xizmati Navoiy viloyati boshqarmasi va viloyat ichki ishlar boshqarmasi xodimlari hamkorligida o‘tkazilgan tezkor tadbir davomida 996 dona “Tramadol” olib ketayotgan shaxs qo‘lga olindi. Bu haqda “Daryo”ga DXX tomonidan xabar berildi.
Ma’lum qilinishicha, Nurota tumani hududida harakatlanayotgan J.B. boshqaruvidagi Lacetti mashinasi to‘xtatilib tekshirilganda, avtomashina salonida 996 dona “Tramadol” dori vositasi borligi aniqlandi va xolislar ishtirokida rasmiylashtirib olindi.
Hozirda mazkur holat yuzasidan Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.
Ma’lumot uchun, Vazirlar Mahkamasining 2018-yil 27-oktabrdagi 878-sonli qaroriga muvofiq, “Tramadol” dori vositasi giyohvandlik vositalari ro‘yxatiga kiritilgan.
Avvalroq Qoraqalpog‘istonda qariyb 10 ming dona “Tramadol” olib ketayotgan shaxslar DXX tomonidan qo‘lga olingani haqida xabar berilgandi.
Izoh (0)