Toshkent shahrining Uchtepa tumanida ijarada turgan fuqaro xonadon egasini uning uyini olib qo‘yish bilan qo‘rqitib, 2 ming AQSh dollari olayotganda qo‘lga olindi. Bu haqda Bosh prokuratura “Daryo”ga ma’lum qildi.
Bosh prokuratura huzuridagi departamentning Uchtepa tumani bo‘limiga fuqaro N.N. murojaat qilib, Sergeli tumanida joylashgan xonadonida ijarada turgan fuqaro U.U. ismli shaxs unga tahdid qilganini bildirgan.
Ma’lum bo‘lishicha, U.U. norasmiy turmush o‘rtog‘i xonadon uchun ijara to‘lovidan tashqari 50 million so‘m bergani to‘g‘risida yozilgan tilxatni qaytarib olish uchun N.N.dan 2 ming dollar talab qilgan.
O‘tkazilgan tezkor tadbirda U.U. tovlamachilik yo‘li bilan N.N.dan yuqoridagi pullarni olgan vaqtida ashyoviy dalil bilan ushlangan.
Mazkur holat yuzasidan U.U. ga nisbatan Jinoyat kodeksining 165-moddasi (Tovlamachilik) 1-qismi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Navoiyda yoqtirgan qizidan 3 mln so‘m undirmoqchi bo‘lgan yigit qo‘lga olindi
- Samarqandda nomusga tegganlik aybini qo‘yish orqali fuqarolardan bir yil davomida pul undirib kelgan shaxs 10 yillik qamoq jazosidan norozi
- Toshkentda 22 yoshli qizning ehtirosli suratlarini internetga tarqatish bilan qo‘rqitib, 800 dollar talab qilgan yigit ushlandi
Izoh (0)