AQShda koronavirus infeksiyasidan forig‘ bo‘lgan bemorlar soni 500 ming nafardan oshdi. Ushbu axborot Jons Hopkins universiteti taqdim etgan statistik ma’lumotlarda aks etgan.
Ma’lumotga ko‘ra, AQShda kasallikdan tuzalganlar soni 500 ming 549 nafarni tashkil qilmoqda, mamlakatda epidemiya boshlaganidan beri 109 ming 802 nafar bemor infeksiya asoratlari oqibatida hayotdan ko‘z yumgan. AQShda koronavirus yuqtirib olish bo‘yicha holatlarning umumiy soni esa 1 million 920 ming 61 taga yetgan.
28-mayda AQShda koronavirusdan vafot etganlar soni 100 ming kishidan oshib ketgani xabar qilingan.
Jahon sog‘liqni saqlash tashkiloti 11-martda koronavirus infeksiyasining dunyo bo‘ylab tarqalishi pandemiya darajasiga chiqqanini e’lon qilgan. Tashkilot bergan so‘nggi ma’lumotlar bo‘yicha dunyoda 6,6 million nafardan ziyod kishi COVID-19 bilan kasallangan.
Jons Hopkins universiteti bergan ma’lumotlarga ko‘ra, butun dunyoda COVID-19 koronavirus infeksiyasi asoratlari oqibatida vafot etganlar soni 400 ming nafardan oshib ketgan. Worldometer portalida e’lon qilingan statistika bo‘yicha esa jahonda jami 402,5 mingta o‘lim holatiga koronavirus tufayli kelib chiqqan kasallik sabab bo‘lgan. Butun dunyoda COVID-19 koronavirusi infeksiyasini yuqtirib olganlarning umumiy soni 6,9 milliondan oshib ketgan.
Izoh (0)