Saudiya Arabistoni Sog‘liqni saqlash vazirligi o‘tgan bir sutka davomida koronavirus bilan kasallanish holati bo‘yicha rekord ko‘rsatkichni qayd etdi — 3121 kishi. Butun mamlakat bo‘ylab COVID-19’ga chalinganlar soni 100 mingga yaqinlashib qoldi, deb xabar beradi “RIA Novosti”.
Ma’lumotlarga ko‘ra, o‘tgan bir sutka davomida koronavirus bilan kasallangan 34 bemor vafot etgan. Shunday qilib, mamlakatda COVID-19 qurbonlari soni 676 kishiga yetdi.
“Shuningdek, yana 3121 kishining koronavirusga tahlili ijobiy chiqdi. Mamlakat bo‘ylab virusga chalinganlar soni 98 869 kishini tashkil etmoqda”, — deyiladi xabarda.
Mamlakat Sog‘liqni saqlash vazirligining kunlik hisobotiga ko‘ra, podshohlikda o‘tgan bir sutka davomida 1175 kishi sog‘aygan bo‘lib, Saudiya Arabistonida koronavirusdan davolanishga muvaffaq bo‘lganlar soni 71 791 kishiga yetgan.
Ta’kidlash kerakki, Saudiya Arabistoni koronavirusga chalingalar bo‘yicha arab davlatlari orasida birinchi, dunyoda esa 15-o‘rinda ketmoqda.
Mavzuga doir: Saudiya Arabistoni va Qatar koronavirusga chalinganlar sonining ortishi bo‘yicha rekordlarni yangilamoqda
Izoh (0)