Turkmaniston prezidenti Gurbanguli Berdimuhamedov 29-may kuni o‘tkazilgan Vazirlar Mahkamasining yig‘ilishida qishloq xo‘jaligi kompleksi sohasida javobgar bosh vazir o‘rinbosari Esenmurat Orazgeldiyevga hosilga talafot yetkazishi mumkin bo‘lgan qishloq xo‘jaligi zararkunandalariga qarshi kurashga mavjud barcha xizmatlarni jalb qilishni buyurdi. Bu haqda TDX davlat axborot agentligiga tayanib, “Xronika Turkmenistana” xabar berdi.
Nashr gap aynan qaysi zararkunandalar haqida ketayotganiga aniqlik kiritilmagan, biroq ta’kidlanishicha, 2020-yilda Afrika, Yaqin Sharq va Osiyoning ko‘plab davlatlariga chigirtkalarning ulkan galasi yopirilgan.
Locust storm in Iran. #locust #iran pic.twitter.com/hlhbJk0LxX
— 5minofscience (@5minofscience) May 23, 2020
Chigirtkalar to‘dasi mintaqadan kelib chiqib, so‘nggi 30-70 yilda kuzatilgan eng keng ko‘lamli hisoblanadi: Efiopiya va Somalida bu kabi chigirtkalar to‘dasi 25 yildan beri birinchi bor kuzatilgan bo‘lsa, Hindistonda 30 yildan beri, Keniyada esa 70 yildan buyon ilk marotaba qayd etilgan.
Chigirtkalar to‘dasi Iroq, Eron va Pokiston bo‘ylab ham tarqalgan.
Rossiya Qishloq xo‘jaligi vazirligi mintaqa rahbarlariga zararkunandalarga qarshi choralar ko‘rish bo‘yicha topshiriq bergan.
Mavzuga doir:
Ma’lumotlarga ko‘ra, Tojikiston janubidagi Vaxsh aholisi chigirtkalar ekinlarga zarar yetkazayotganidan shikoyat qilmoqda.
Izoh (0)