Туркманистон президенти Гурбангули Бердимуҳамедов 29 май куни ўтказилган Вазирлар Маҳкамасининг йиғилишида қишлоқ хўжалиги комплекси соҳасида жавобгар бош вазир ўринбосари Эсенмурат Оразгелдиевга ҳосилга талафот етказиши мумкин бўлган қишлоқ хўжалиги зараркунандаларига қарши курашга мавжуд барча хизматларни жалб қилишни буюрди. Бу ҳақда ТДХ давлат ахборот агентлигига таяниб, «Хроника Туркменистана» хабар берди.
Нашр гап айнан қайси зараркунандалар ҳақида кетаётганига аниқлик киритилмаган, бироқ таъкидланишича, 2020 йилда Африка, Яқин Шарқ ва Осиёнинг кўплаб давлатларига чигирткаларнинг улкан галаси ёпирилган.
Locust storm in Iran. #locust #iran pic.twitter.com/hlhbJk0LxX
— 5minofscience (@5minofscience) May 23, 2020
Чигирткалар тўдаси минтақадан келиб чиқиб, сўнгги 30-70 йилда кузатилган энг кенг кўламли ҳисобланади: Эфиопия ва Сомалида бу каби чигирткалар тўдаси 25 йилдан бери биринчи бор кузатилган бўлса, Ҳиндистонда 30 йилдан бери, Кенияда эса 70 йилдан буён илк маротаба қайд этилган.
Чигирткалар тўдаси Ироқ, Эрон ва Покистон бўйлаб ҳам тарқалган.
Россия Қишлоқ хўжалиги вазирлиги минтақа раҳбарларига зараркунандаларга қарши чоралар кўриш бўйича топшириқ берган.
Мавзуга доир:
Маълумотларга кўра, Тожикистон жанубидаги Вахш аҳолиси чигирткалар экинларга зарар етказаётганидан шикоят қилмоқда.
Изоҳ (0)