“Manchester Yunayted” sobiq hujumchisi, hozirda “Los-Anjeles Gelaksi”da faoliyat yuritayotgan Xavyer Ernandes manchesterliklar sobiq bosh murabbiyi Devid Moyes haqida fikr bildirdi.
Moyes Aleks Fergyuson ketganidan keyin 2014-2015-yillarda “Manchester Yunayted”ni boshqargan. Hozirda mutaxassis “Vest Hem”da ishlamoqda.
“Rostini aytsam, men har doim “qizil” bo‘lib qolaman. Moyes bilan o‘rtamizda hech qanday kelishmovchilik bo‘lmagan, biroq “Yunayted” uni olib kelib xato qilgan deb hisoblayman.
Bu eng birinchi xato edi, ammo bu xato ularni hali ham ta’qib qilmoqda. Gap Moyesda emas, u yomon murabbiy emas edi, shunchaki “Manchester Yunayted”da Aleks Fergyusonning o‘rnini tezda bosish mumkin deb hisoblashdi. Biroq buning iloji yo‘q edi.
Hatto Gvardiola, Mourinyo va Klopp bizning murabbiy bilan teng darajada emas. Ular mana shunday murabbiy bo‘lish yo‘lidan ketmoqda va bunga erishishlari mumkin.
Biroq [Moyesni olib kelish qarori] yanada yaxshi bo‘lishi mumkin bo‘lgan faoliyatimni o‘zgartirib yubordi. Rafael, men, Denni Uelbek va ko‘plab futbolchilar o‘yin amaliyotiga ega bo‘lish uchun ketishga majbur bo‘ldik”, — deydi Chicharito.
Chicharito 2010—2015-yillar mobaynida “Manchester Yunayted”da to‘p surgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)