«Манчестер Юнайтед» собиқ ҳужумчиси, ҳозирда «Лос-Анжелес Гэлакси»да фаолият юритаётган Хавьер Эрнандес манчестерликлар собиқ бош мураббийи Дэвид Мойес ҳақида фикр билдирди.
Мойес Алекс Фергюсон кетганидан кейин 2014-2015 йилларда «Манчестер Юнайтед»ни бошқарган. Ҳозирда мутахассис «Вест Ҳэм»да ишламоқда.
«Ростини айтсам, мен ҳар доим «қизил» бўлиб қоламан. Мойес билан ўртамизда ҳеч қандай келишмовчилик бўлмаган, бироқ «Юнайтед» уни олиб келиб хато қилган деб ҳисоблайман.
Бу энг биринчи хато эди, аммо бу хато уларни ҳали ҳам таъқиб қилмоқда. Гап Мойесда эмас, у ёмон мураббий эмас эди, шунчаки «Манчестер Юнайтед»да Алекс Фергюсоннинг ўрнини тезда босиш мумкин деб ҳисоблашди. Бироқ бунинг иложи йўқ эди.
Ҳатто Гвардиола, Моуриньо ва Клопп бизнинг мураббий билан тенг даражада эмас. Улар мана шундай мураббий бўлиш йўлидан кетмоқда ва бунга эришишлари мумкин.
Бироқ [Мойесни олиб келиш қарори] янада яхши бўлиши мумкин бўлган фаолиятимни ўзгартириб юборди. Рафаэл, мен, Дэнни Уэлбек ва кўплаб футболчилар ўйин амалиётига эга бўлиш учун кетишга мажбур бўлдик», — дейди Чичарито.
Чичарито 2010—2015 йиллар мобайнида «Манчестер Юнайтед»да тўп сурган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)