Osiyodagi eng yirik o‘yin kompaniyalaridan birining asoschisi, milliarder Stenli Xo 98 yoshida vafot etdi, deb xabar beradi Reuters.
Stenli Xo — o‘yin biznesidagi eng daromadli kompaniyalardan biri hisoblanuvchi SJM Holdings asoschisi hisoblanadi. U Makaodagi yirik kazinolar tarmog‘ini boshqargan. Kompaniya olti milliard dollarga baholangan.
Stenli Xo 1921-yili Gonkongda o‘ziga to‘q oilada dunyoga kelgan, biroq u o‘smirlik yoshiga yetganida oilasi xonavayron bo‘lgan. 1941-yili Yaponiya Gonkongga bostirib kirgach, Xo Makaoga qochgan va shu yerdan Xitoyga o‘zining birinchi kontrabanda tovarlarini muvaffaqiyatli jo‘natgan. Biznesmen va Britaniya Gonkongi filantropi Robert Xotxundan u “Makao qiroli” laqabini olgan.
1962-yili Stenli Xo investorlar guruhi bilan Makaoda 2001-yilga qadar barcha o‘yin operatsiyalarini boshqarish huquqini qo‘lga kiritgan kompaniyaga asos solgan. SJM Holdings Makaoni eng yirik o‘yin markaziga aylantirib yuborgan. Hozirda Xoning oilasiga qarashli kompaniyalarga mintaqadagi oltita o‘yin litsenziyalarining uchtasi tegishli.
2018-yilda Stenli Xo SJM Holdings rahbarligidan ketib, o‘z biznes-imperiyasini oilasining turli a’zolariga bo‘lib bergan — uning to‘rtta xotinidan 17 nafar farzandi bor.
Izoh (0)