26-may tongidagi ma’lumotlarga ko‘ra, Rossiyada koronavirus infeksiyasidan davolanishga muvaffaq bo‘lgan bemorlar soni 131 129 kishida yetdi. Bu haqda mamlakatning Koronavirusga qarshi kurash bo‘yicha tezkor shtabi ma’lumotlarida keltirilgan.
Ma’lumotlarga ko‘ra, o‘tgan bir sutka ichida yana 12 331 bemor koronavirusdan davolangan, jumladan, ularning 8033 nafari Moskva hisobiga to‘g‘ri kelmoqda.
Shuningdek, o‘tgan bir sutka ichida Rossiyada yana 8915 kishida koronavirus aniqlangan, ularning 2830 nafari — Moskvada. Mamlakatda pandemiya boshlanganidan buyon koronavirus infeksiyasini yuqtirib olganlar soni 362 342 kishiga yetdi.
O‘tgan bir sutka ichida 174 kishi virus qurboniga aylangan. Shunday qilib, Rossiyada yangi turdagi koronavirusdan vafot etganlar soni 3807 kishiga yetdi.
Ta’kidlanishicha, o‘tgan bir sutka davomida koronavirusga 215 mingta test o‘tkazilgan. Pandemiya boshlanganidan buyon o‘tkazilgan testlar soni 9,1 milliondan oshdi.
Avvalroq Rossiyada COVID-19 bemorlarining 153 nafari vafot etib, o‘lim bo‘yicha sutkalik antirekord yangilangani haqida xabar berilgandi.
Izoh (0)