“Atletiko” hujumchisi Joau Feliks mashg‘ulot paytida jarohat oldi.
Madridliklar rasmiy saytida ma’lum qilinishicha, portugaliyalik futbolchi chap oyog‘i bo‘g‘imlarini shikastlab olgan. Feliks tibbiy ko‘rikdan o‘tkazilgan. Jarohatdan tiklanishga qancha vaqat ketishi ma’lum emas.
El Chiringuito TV xabariga ko‘ra, Feliks uch haftaga safdan chiqqan.
Bu uning “Atletiko” safidagi uchinchi jarohati bo‘ldi. Bunga qadar futbolchida mushak jarohati va to‘piq shikastlanishi kuzatilgandi. Bundan tashqari Feliks faringotonzillit xastaligi sabab bir oy maydonga tusha olmagan edi.
Joriy mavsumda Joau “Atletiko” safida La Ligada 20 ta o‘yin o‘tkazib, 4 gol va bitta golli uzatmaga muallif bo‘ldi.
Feliks 2019-yilning yozida 126 million yevro evaziga “Benfika”dan Madrid shahri jamoasi safiga o‘tgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)