“Chelsi” Jorjinyoning narxini e’lon qildi. Unga “Yuventus”dan taklif bor

“Chelsi” rahbariyati jamoa yarim himoyachisi Jorjinyo transferi borasidagi takliflarni ko‘rib chiqishga tayyor.

Tuttosport’ning xabar qilishicha, londonliklar 28 yoshli o‘yinchini 65-70 million yevroga baholamoqda. Italiyalik futbolchining xizmatlariga “Yuventus”dan qiziqish bor. Turinliklar ustozi Mauritsio Sarri avvalroq Jorjinyo bilan “Napoli” va “Chelsi”da birga ishlagan. “Ko‘klar” aynan Sarrining talabi bilan 2018-yilda futbolchini sotib olgandi.

“Chelsi” bosh murabbiyi Frenk Lempard Jorjinyoni jamoada olib qolishni istamoqda, biroq yarim himoyachining o‘zi “Yuventus”ga o‘tish niyatida.

Jorjinyoning “Chelsi” bilan amaldagi shartnomasi 2023-yilning yoziga qadar mo‘ljallangan. Transfermarkt’ga ko‘ra, futbolchining narxi 52 million yevroga teng.

Joriy mavsum Jorjinyo klub miqyosida 37 o‘yin o‘tkazib, yettita gol va ikkita samarali uzatma muallifiga aylandi.