Rossiyaning “Aviro.ru” saytida Mansory atelyesining Rolls-Royce Cullinan krossoveriga mo‘ljallangan diskalar jamlanmasi sotilishiga oid e’lon paydo bo‘ldi. Vredestein shinalariga ega dizaynerlik g‘ildiraklari qariyb 1,4 million rublga (19,6 ming dollar) baholanmoqda — bu pulga yangi Tayota Corolla xarid qilish mumkin, deb xabar beradi Motor.
E’lon egasi 24 dyuyumli Mansory diskalari bilan birga, yozga mo‘ljallangan 295/30 R24 o‘lchamli yangi Vredestein Giugiaro shinalarini, shuningdek, datchik va “prostavka”larini qo‘shib berishga tayyor. E’londa diskalar to‘rtta bolt bilan qotirilishi ko‘rsatilgani qiziq, chunki Rolls-Royce’ning standart g‘ildirak gupchaklari besh boltli qotirishga mo‘ljallangan.
Mansory narxining qimmatligi ko‘p kegayli diskalar 785 ming yevroli Cullinan Billionaire tyuning-loyihasida debyut qilgani bilan izohlanmoqda. Boshqa ranglar gammasidan iborat shu turdagi mahsulotlar hamon Rolls-Royce’ning nemis byurosi tomonidan yangi mahsulotlarida ishlatiladi, masalan, firuza interyerga ega Cullinan Coastline’da.
Mavzuga doir: Video: Rossiyalik blogerlar Hummer’ga “Jiguli”ning 13 dyuymli g‘ildiraklarini “kiydirdi”
Izoh (0)