O‘zbekistonda 14-may soat 15:00 holatiga ko‘ra koronavirus infeksiyasini yuqtirib olganlar soni 16 kishiga oshib, 2636 nafarni tashkil etmoqda. Bu haqda Sog‘liqni saqlash vazirligi xabar berdi.
Ma’lum qilishlaricha, 16 ta yangi kasallanish holatining 6 tasi xorijdan kelib, karantinga olingan, qolgan 10 tasi ham oldindan karantin muassasalarida kuzatuvda bo‘lgan fuqarolar orasidan aniqlangan. Xorijdan kelib, kasallanish qayd etilgan fuqarolarning 5 nafari xalqaro yuk tashuvchi avtomashina haydovchisi bo‘lsa, 1 nafari esa Qozog‘istondan kelgan.
Qo‘shimcha qilinishicha, davolanayotgan 489 nafar bemordan 11 nafari og‘ir ahvolda.
Avvalroq, 14-may soat 10:00 holatiga ko‘ra jami kasallanish holatlari soni 2620 taga yetgani, davolanishda bo‘lgan jami 533 nafar bemorning 11 nafari og‘ir ahvolda ekanligi ma’lum qilingan.
Ma’lumot uchun, 14-may holatiga ko‘ra O‘zbekistonda koronavirus infeksiyasidan sog‘ayganlar soni 2136 nafarga yetgan, infeksiya asoratlari oqibatida 11 kishi vafot etgan.
Izoh (0)