Namangan shahar hokimligi apparatida muhim lavozim o‘zgarishlari yuz berdi. Bu haqda “Daryo” muxbiri Azizbek Abduvaliyev xabar bermoqda.
Ayubxon Bobomirzayev Namangan shahar hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari etib tayinlandi.
Ayubxon Bobomirzayev 1971-yilda Namangan shahrida tug‘ilgan. 1993-yilda Namangan sanoat-texnologiya instituti, 2003- yilda Namangan muhandislik-pedagogika instituti va 2005-yilda Prezident huzuridagi Davlat va jamiyat qurilishi akademiyasini tamomlagan.
U shu kunga qadar Namangan shahar hokimining o‘rinbosari — Investitsiyalar va tashqi savdo bo‘limi boshlig‘i bo‘lib ishlab kelayotgandi.
Muzaffar Abdullayev Namangan shahar hokimining o‘rinbosari — Investitsiyalar va tashqi savdo bo‘limi boshlig‘i etib tayinlandi.
U 2019-yil noyabridan beri Namangan shahar hokimining birinchi o‘rinbosari sifatida faoliyat ko‘rsatib kelayotgandi.
Mavzuga doir: Olimjon Isayev Namangan shahri hokimi etib tayinlandi
Izoh (0)