Sirdaryo viloyatidagi Sardoba suv omborida 1-may kuni yuz bergan avariya munosabati bilan, Favqulodda vaziyatlar vazirligi xodimlari Milliy gvardiya, IIV vakillari bilan birgalikda xavf hududida qidiruv-qutqaruv ishlarini faol olib bormoqda.
FVV matbuot xizmatidan ma’lum qilishlaricha, qidiruv-qutqaruv ishlari vaqtida qutqarilgan fuqarolar motorli qayiqlarni xavfsiz hududlarga ko‘chirilmoqda, shundan so‘ng ularga tibbiy va psixologik yordam ko‘rsatilmoqda.
“Hozirgacha o‘nlab insonlar hayoti saqlab qolindi. Odamlar halok bo‘lgani haqida axborot hozircha kelib tushgani yo‘q”, — deya ma’lum qildi FVV matbuot xizmati rahbari Murod Sodiqov.
FVV saytida 2-may kuni e’lon qilingan axborotda ta’kidlanishicha, qutqaruvchilar tomonidan olib borilgan qidiruv-qutqaruv ishlarida kamida 20 nafar fuqaroning hayoti saqlab qolingan.
Izoh (0)