O‘zbekistonda 28-aprel soat 23:00 holatiga ko‘ra, kasallanganlar soni 1939 kishini tashkil qilmoqda. Bu haqda Sog‘liqni saqlash vazirligi xabar berdi.
“So‘nggi 9 soat davomida koronavirus infeksiyasi qayd etilmagan holda bugun 100 nafar bemor ushbu kasallikdan butunlay sog‘aydi. Shu tariqa koronavirusdan sog‘ayganlar soni 992 nafarni tashkil etdi”, — deyiladi vazirlik xabarida.
O‘zbekistonda 15-martdan buyon koronavirusga chalingan bemorlarning sakkiz nafari vafot etdi, 992 nafari esa sog‘ayib, reabilitatsiyaga olingan. Ayni vaqtda 939 bemor kasallikdan davolanmoqda.
Xorijda 73 o‘zbekistonlikda koronavirus aniqlangan (eng ko‘pi — 42 nafari Rossiyada), ularning to‘rt nafari vafot etgan.
