Хоразмда 14 нафар, Фарғонада 12 нафар, Андижонда 3 нафар ҳамда Самарқандда 1 нафар коронавирус инфекциясига чалинган бемор бутунлай соғайди. Улар вилоятлар соғлиқни сақлаш бошқармалари масъуллари иштирокида реабилитацияга кузатилди. Бу ҳақда Соғлиқни сақлаш вазирлиги хабар қилди.
Шу тариқа тўлиқ соғайганлар Хоразмда 135 нафарга, Фарғонада 73 нафарга, Самарқандда 22 нафарга ҳамда Андижонда 109 нафарга етган.
2020 йил 1 май соат 21:00 ҳолатига кўра, бир сутка ичида жами 79 нафар бемор тузалиб, Ўзбекистонда COVID-19 инфекциясидан бутунлай соғайганларнинг умумий сони 1212 нафарга етди.
Эслатиб ўтамиз, 2020 йил 1 май соат 15:30 ҳолатига кўра, Ўзбекистонда коронавирусга чалинганлар сони 2075 нафарга етган, соғайган ва вафот этганлардан ташқари жами 854 нафар бемор даволанмоқда.
Ўзбекистонда 15 мартдан буён коронавирусга чалинган беморларнинг тўққиз нафари вафот этди, 28 апрелдан буён соғайганлар сони айни вақтда касалликдан даволанаётганлар сонидан кўп бўлиб турибди.
Изоҳ (0)