O‘zbekiston hududiga 1—2-may kunlari Turkmaniston orqali Kaspiy dengizining janubiy tumanlari ustida shakllangan nam havo oqimi kiradi, deya xabar bermoqda “O‘zgidromet”.
1-may kuni Buxoro, Navoiy, Qashqadaryo, Surxondaryo, Samarqand viloyatlarida kunning ikkinchi yarmida yomg‘ir, ayrim joylarga kuchli yomg‘ir yog‘ishi kutilmoqda, momaqaldiroq bo‘lishi mumkin.
Shu kuni O‘zbekistonning qolgan hududlarida kechga borib yomg‘ir, ayrim joylarda kuchli yomg‘ir yog‘ishi, momaqaldiroq bo‘lishi mumkin. Qoraqalpog‘istonda, Andijon, Namangan, Farg‘ona viloyatlarida yog‘ingarchilik bo‘lmaydi.
2-may kuni O‘zbekistonda yomg‘ir, ayrim joylarga kuchli yomg‘ir yog‘ishi, momaqaldiroq bo‘lishi kutilmoqda. Buxoro va Navoiy viloyatlarida kechasi va ertalab yomg‘ir, ayrim joylarga kuchli yomg‘ir yog‘adi, momaqaldiroq bo‘lishi mumkin. Qoraqalpog‘istonda, Xorazm viloyatida yog‘ingarchilik bo‘lmaydi.
Shamolning tezligi soniyasiga 15-29 metrgacha kuchayishi, ayrim joylarda shamol shiddati soniyasiga 23-28 metrgacha yetishi mumkin. 30-aprel—3-may kunlari O‘zbekistonning tog‘oldi va tog‘li hududlarida sel kelishi xavfi bor.
Mavzuga doir:
- Shamoldan zarar ko‘rgan Qorako‘l va Olot — Prezident vertolyotidan olingan suratlarda
- Shavkat Mirziyoyev — Buxoroga yopirilgan shamol haqida: Bunday tabiiy ofat ilgari kuzatilmagan
- Buxoroda ko‘plab talafotlarga olib kelgan kuchli shamol paydo bo‘lishi sababi ma’lum qilindi
- Samarqandda kuchli yomg‘ir oqibatida xonadonlarni suv bosdi. FVB xodimlari talafot oqibatlarini bartaraf qildi
- Kuchli shamolning Qashqadaryodagi oqibatlari ma’lum qilindi
- Shavkat Mirziyoyev: Olotni ham, Qorako‘lni ham yangilab olamiz. Sarosima va xavotirga o‘rin yo‘q
- “Vahima va mish-mish mutlaqo bexabarlik ortidan paydo bo‘ldi”. Qorako‘lliklar “toshqin”dan qochib to‘plangan qirdan reportaj
Izoh (0)