Bugun,

  • USD 11095.31
  • RUB 173.84
  • EUR 10772.44

AQShning Kentukki shtati gubernatori Endi Besher ishsizlik nafaqasini olishga berilgan arizalar aslida ishsiz bo‘lmagan fuqarolarning harakatlari sabab kechikayotganidan nolidi, deb yozadi Meduza.

Foto: Reuters

Foto: Reuters

Besher shunday fuqarolardan biri o‘zini Tupak Shakur deb tanishtirganini aytib o‘tgan. Gubernator minglab odamlarni kutishga majburlamaslik uchun bunday qilmaslikni tayinladi.

Biroq ma’lum bo‘lishicha, Tupak Shakur ismli shaxs haqiqatan ham ariza bergan hamda u taniqli reperning adashi.

Shakur Kentukkining Leksington shahrida yashaydi. U avval oshpaz bo‘lib ishlagan, biroq koronavirus pandemiyasi tufayli u ishsiz qolgan.

Shakur so‘nggi pulini to‘lovlarga sarflagan, shuning uchun ishsizlik nafaqasiga ariza bergan edi. U arizasini hazil deb o‘ylashlarini xayoliga ham keltirmagandi. Bu yangilik uni hayratga solgan.

Oradan biroz vaqt o‘tgach Kentukki gubernatori Tupak Shakurning chindan ham ishsizligidan xabar topdi, unga qo‘ng‘iroq qilib uzr so‘radi.

Shakur siyosatchini kechirgan hamda uning qanday katta hajmdagi ishlarni amalga oshirishini tushunishini aytib o‘tgan. “Xatolar bo‘lib turadi”, — deydi Shakur.

Izoh
Asosiy yangiliklar
Dunyo
Suriyadagi kurdlar Rossiyadan hududlarini himoya qilishda yordam so‘radi
Mahalliy
O‘zbekistonda 2023-yilda meva va sabzavotlar narxi jiddiy o‘sishi kutilmoqda
Dunyo
Kim Chen Ir topshirig‘i bilan uyushtirilgan terakt, samolyot boshqarib halokatga uchragan “Formula-1” chempioni va nemislar tomonidan qatl etilgan Kosmodemyanskaya...