Malika Dianadan har sohada o‘rnak olsa arziydi. Samimiyligi, o‘ziga xos kiyinish uslubi bilan hamisha diqqat markazida bo‘lgan Diananing ajoyib ona bo‘lganiga ham shubha yo‘q. E’tiboringizga havola etmoqchi bo‘lgan video esa buning isboti.
Harper’s Bazaar nashrining yozishicha, malika 1991-yilda o‘g‘illari ta’lim olgan Wetherby School’da o‘tkazilgan an’anaviy sport musobaqasida ishtirok etgan. Ushbu ishtiroki orqali Diana farzandlarini qirollik tartib-qoidalaridan-da ustun qo‘yishini isbotlagan.
Angliya maktablarida o‘quvchilar ota-onalari uchun sport musobaqalari o‘tkaziladi. Malika Diana esa o‘g‘illari Garri va Uilyamning onasi bilan faxrlanish hissidan bebahra qolishini istamagan.
https://twitter.com/i/status/1254267960073441281
Videoda taxt vorisi rafiqasining boshqa onalar bilan birgalikda yugurganini, yugurishga qulay bo‘lishi uchun esa poyabzallarini yechib qo‘yganini ko‘rish mumkin. Diana astoydil harakat qilgani bilan musobaqada yutish unga nasib qilmagan.Ushbu kundan esdalik bo‘lib qolgan suratda shahzoda Garrining baxtiyorligini ko‘rish mumkin.
Izoh (0)