Koronavirusga chalingan va vafot etayotganlar soni bo‘yicha AQSh dunyoda birinchi o‘rinni egallab turibdi. Biroq Florida shtati ma’muriyati 18-apreldan zarur xavfsizlik qoidalariga rioya etib ishlash sharti bilan hududdagi plyajlarni ochdi, deb yozadi Esquire.

Foto: Twitter

Plyajlarning ish vaqti ertalabki (06:00 dan 11:00 gacha) va kechki (17:00 dan 20:00 gacha) vaqtga ajratildi.

Bu yerda piyoda yurish, velosiped uchish, yugurish, baliq tutish, uy hayvonlarini sayr qildirish, suzish va serfing bilan shug‘ullanishga ruxsat berildi.

Barcha tashrif buyuruvchilardan ijtimoiy masofa saqlash so‘ralmoqda. Shuningdek, 50 kishidan ko‘proq odam to‘planishi taqiqlangan.

Plyajlar ochilishi bilan dengiz bo‘yiga juda ko‘p odam to‘plangan. Hamma ham ijtimoiy masofalanish qoidalariga rioya etmagan.

Aksariyat amerikaliklarni bu ahvol hayratga soldi va hatto ijtimoiy tarmoqlarda #FloridaMorons (Floridalik ahmoqlar) degan xeshteg paydo bo‘ldi.

Advokat Daniyel Ulfelder ushbu muammoning kreativ yechimini taklif qildi. U har kuni plyajga o‘lim kiyimida borib, odamlarni ularning o‘zlarining xavfsizligi uchun qo‘rqitishga qaror qildi. Maxsus kostyumga allaqachon buyurtma berildi.

“Ko‘pchilik mendan Florida plyajlarida o‘lim kiyimida sayr qilishni xohlash xohlamasligim haqida so‘radi, albatta, ha. 1-maydan Floridada shunday qilishni boshlaymiz”.

Foto: Twitter

Ijtimoiy tarmoqlarda ko‘pchilik Daniyelni qo‘llab-quvvatlab, yana bir necha qiziqarli g‘oyalarni taklif etgan.

“Yana vabo shifokori kostyumida ham borish mumkin”.

Aytgancha, Ulfelder ushbu g‘oyani Yangi Zelandiya hukumatidan olgan. Ushbu davlatda mamlakat hukumati suvdan xavfsiz foydalanish malakasini shakllantirish uchun plyajlarga o‘lim kiyimida keluvchi maxsus aktyorlarni yollagan.