Surxondaryoda yengil va yuk mashinasi o‘rtasida sodir bo‘lgan to‘qnashuv oqibatida haydovchilardan biri halok bo‘ldi. Bu haqda IIV YHXBB axborot xizmati xabar berdi.
Ma’lumotlarga ko‘ra, 28-aprel kuni soat 01:30 larda Sho‘rchi tumani hududidan o‘tuvchi 4K590 yo‘lining 14-kilometrida yuqori tezlikda harakatlanib ketayotgan Nexia mashinasi qarama-qarshi yo‘nalishga chiqib ketib, “Zil-138” bilan to‘qnashuv sodir etgan.
YTH oqibatida Nexia avtomobilining 29 yoshli haydovchisi og‘ir tan jarohat olib, voqea joyida halok bo‘lgan.
Avvalroq Toshkentda “Gazel” va Hyundai Porter o‘rtasida sodir bo‘lgan to‘qnashuv oqibatida yuk mashinasi haydovchisi halok bo‘lgani haqida xabar berilgandi.
Izoh (0)