Qashqadaryo viloyati yuqumli kasalliklar shifoxonasida koronavirus infeksiyasiga chalingan navbatdagi ikki nafar bemor butunlay sog‘aydi. Sog‘liqni saqlash vazirligidan ma’lum qilishlaricha, ular viloyat mas’ullari ishtirokida reabilitatsiyaga kuzatilgan.
Sog‘ayganlar Chiroqchi tumanida yashovchi opa-singillar bo‘lib, kattasi 16 yoshda bo‘lsa, kichigi 11 yoshda. Ular koronavirus infeksiyasiga chalingan ukasi bilan muloqot orqali kasallikni yuqtirib olgan edi.
Qayd etish joiz, shu vaqtgacha Qashqadaryo viloyat yuqumli kasalliklar shifoxonasida koronavirusga chalingan ikki nafar bemor sog‘aygan edi. O‘zbekiston bo‘yicha koronavirusdan sog‘ayganlar soni esa 563 nafarni tashkil etmoqda.
Eslatib o‘tamiz, O‘zbekistonda 24-aprel soat 10:00 holatiga ko‘ra koronavirus infeksiyasini yuqtirib olish bilan bog‘liq jami holatlar soni 1778 tani tashkil etmoqda. Bemorlarning yetti nafari vafot etgan.
Izoh (0)