Jizzaxda karantin vaqtida faoliyat yuritgan kompyuterxona egasi javobgarlikka tortildi. Bu haqda IIV matbuot xizmati xabar bermoqda.
Qayd etilishicha, 21-aprel, seshanba kuni, Jizzax shahri Ahmad Yassaviy ko‘chasida yashovchi 1992-yilda tug‘ilgan M.Y. G‘afur G‘ulom nomidagi mahallada joylashgan kompyuterxonada 3 nafar fuqaroga kompyuter o‘yinlari bo‘yicha xizmat ko‘rsatayotganligi aniqlangan.
Unga nisbatan Ma’muriy javobgarlik to‘g‘risidagi kodeksning 54-moddasi (Epidemiyalarga qarshi kurash qoidalarini buzish)ga asosan hujjatlar rasmiylashtirilib, javobgarlikka tortilgan.
Shuningdek, vazirlik xabarida qayd etilishicha, karantin qoidalari va sanitariya cheklovlariga rioya qilish yuzasidan tushuntirish ishlari olib borilishiga qaramasdan, respublika bo‘yicha karantin qoidalariga amal qilmaslik bilan bog‘liq jami 89 521 ta holat aniqlangan. Ularning soni:
- Toshkent shahrida — 16 533 ta;
- Farg‘ona viloyatida — 14 396 ta;
- Toshkent viloyatida — 13 400 ta;
- Samarqand viloyatida — 7732 ta;
- Sirdaryo viloyatida — 6007 ta;
- Qashqadaryo viloyatida — 5619 ta;
- Andijon viloyatida — 5135 ta;
- Namangan viloyatida — 4938 ta;
- Buxoro viloyatida — 3465 ta;
- Qoraqalpog‘iston Respublikasida — 3259 ta;
- Xorazm viloyatida — 2860 ta;
- Surxondaryo viloyatida — 2712 ta;
- Jizzax viloyatida — 2667 ta;
- Navoiy viloyatida 798 tani tashkil etmoqda.
Izoh (0)